Honeyಗವನಗಳು

ಸನಿಹ

ಅವಳು ನನ್ನೆಡೆ ಬಂದಾಗ 

ಕುಣಿದು ಕುಣಿದು ಎಬ್ಬಿಸಿದೆ ಧೂಳು,

ಆದರೆ ಬಿಟ್ಟು ಹೋದಾಗ

ಕಣ್ಣೀರಿಂದ ನಿಂತಲ್ಲೇ swimming poolಉ 

ಟ್ರಾಫಿಕ್ ಜಾಮ್

( ಸರ್ವಜ್ಞರವರ ಕ್ಷಮೆ ಕೋರುತ್ತ...)

ಭೋರ್ಗರೆಯುವ ಮಳೆಯಿರಲು,

ರಸ್ತೆ ಕೊಚ್ಚೆ ರಾಡಿಯಾಗಿರಲು,

ಟ್ರಾಫಿಕ್ ಜಾಮಲ್ಲಿ ಸಿಕ್ಕಿ ಹಾಕಿಕೊಂಡರೆ

ನರಕಕ್ಕೆ ಕಿಚ್ಚು ಹಚ್ಚೆಂದ ಅಲ್ಪಜ್ಞ್ಯ  

ಬಡವ

ಉಳ್ಳವರು bikeಅಲ್ಲಿ ಹೊರಟರು ,

 ನಾನೇನು ಮಾಡಲಿ ಬಡವನಯ್ಯ

ಎನಗೆ ಕಾಲೇ ಚಕ್ರ , Cabಗಳೇ ರಥ ,

 BMTC ನೆ  ಪುಷ್ಪಕವಿಮಾನವಯ್ಯ !!

ಬೆಳಕು

ಅವಳನ್ನು ನನ್ನ ನೆರಳಿನಡಿಯಲ್ಲೇ ಕಾಪಾಡಬೇಕು ಅಂತ ಇದ್ದೆ. 

ಆಗಲಿಲ್ಲ.

 ಅವಳೇ ಬೆಳಕಾಗಿದ್ದಳು !!

ಕಣ್ಣು

ಅವಳನ್ನು ನೋಡಿದಾಕ್ಷಣ ಮಂಜುಗಡ್ಡೆಯಾದೆ ,
 ಕರಗಿದ್ದು ಅವಳ ಕೆಂಗಣ್ಣಿಗೆ ಗುರಿಯಾದಾಗಲೇ

ಮತದಾನ

ಮುಡಿಗೆ ಏರಿಸಲು ಮಲ್ಲಿಗೆಗೆ ಮತ ಹಾಕುವುದರ ಬದಲು ಕಮಲಕ್ಕೆ ಹಾಕಬೇಕಾಗಿತ್ತು ಅಂದೆ.
ಅವಳು ಕಾಂಗ್ರೆಸ್ ಅನ್ನೇ ಹಾಕಿದಳು .
ನನ್ನ ಕೆನ್ನೆ ಮೇಲೆ  :)

ಮದುವೆ

ಈಗಲೇ ಮದುವೆ ಬೇಡ 

ಸ್ವಲ್ಪ ತಾಳಿ , ಭಾಗ್ಯ

ಶೀಘ್ರದಲ್ಲೇ ಬರಲಿದೆ 

ಸರ್ಕಾರದಿಂದ ತಾಳಿಭಾಗ್ಯ !! 

ವರದಕ್ಷಿಣೆ

ಅವಳೇನೋ ಪುಟ್ಟ ಗೌರಿ 

ಆದರೆ ಅವಳ ಮದುವೆಗೂ ಕೊಡಬೇಕಾಯಿತು

Dowry !!

ಎಲೆ

ಬಾಳೆ ಎಲೆ ಹಾಕುವಾಗ ನೋಡಿದ ಎಳೆ ಬಾಲೆಗೆ ನಾ ಶರಣಾದೆ !!